أنا قلبي لشوفك يالغلا مشـتــــاق
..............وروحي هايمه شوق بفضا كونــك
دخيلك روف بي تكفا كفاني فراق
..............حرام تمر لحظات العـــمر دونـــك
تعذب قلب من حبك وأهدى لك عظيم اشواق
..............حرام الشوق يكوي قلب مضنونك
تعال وخلنا نبقى على لوفــــاق
..............ولك عهد الوفا للموت مااخونك
نعم ما اخون حبك يا شمس الاشراق
..............ولو حتى بخيالي وعـد باصونـــــك
عطيتك قبل ما اشوفك عهود وثاق
..............قبل ما يرتمي شوقي على حضونك
قبل ما يوقّع افوداك على ميثاق
..............قبل ما يذوب قلبي شوق لعيونك
قبل ما تقول انا احبك من الأعماق
..............قبل ما اصير انا بالحب مجنونك
عطيتك كل ما تبغي وقلبي انساق
..............على نهج الوفا وافي لمضـمونــك
وحق من زاد حسنك والحلا أخلاق
..............تداري قلب بحبك عاش مرهـونــك
حرام يعيش من حبك رهين اوراق
..............وفي واقع حياته يبقى من دونـــك"
"
أتمنى أنهآآ تنآل أعجآبكم ,,,
تحيآآتي لـــكم ,,,
الإثنين أبريل 14, 2008 5:00 pm
